ప్లాస్టిక్​ రహిత ఉర్సు చేద్దాం: వినయ్ భాస్కర్​

ప్లాస్టిక్​ నిషేధంపై భక్తులకు అవగాహనా కల్పించే విధంగా కాజీపేట దర్గా ఉత్సవాలను నిర్వహించాలని ప్రభుత్వ చీఫ్​ విప్​ దాస్యం వినయ్​ భాస్కర్​ అధికారులకు సూచించారు.

వరంగల్ అర్బన్ జిల్లా కాజీపేటలో ఈ నెల 27 నుంచి నిర్వహించే దర్గా ఉత్సవాల నిర్వహణపై ప్రభుత్వ చీఫ్ విప్ దాస్యం వినయ్​ భాస్కర్ అధికారులతో కలిసి సమీక్షించారు. దర్గాను సందర్శించిన చీఫ్ విప్ ప్రత్యేక పూజలు చేసి పలు అభివృద్ధి పనులను సమీక్షించారు. అనంతరం దర్గా పీఠాధిపతి ఖుస్రూపాషా ఆధ్వర్యంలో ఏర్పాటు చేసిన విలేకరుల సమావేశంలో ఆయన పాల్గొన్నారు. ఈ ఉత్సవాలను ప్లాస్టిక్ రహితంగా జరుపుకునేలా భక్తులకు అవగాహన కల్పిస్తూ నిర్వహించాలని వినయ్​​ భాస్కర్​ అధికారులకు సూచించారు. దూర ప్రాంతాల నుంచి వచ్చే వారికి ఎటువంటి ఇబ్బందులు కలగకుండా అన్ని జాగ్రత్తలు తీసుకోవాలని తెలిపారు. ఈ సమావేశంలో పోలీస్, రెవెన్యూ, అగ్నిమాపక అధికారులతో పాటు స్థానికులు పాల్గొన్నారు.

ఇదీ చూడండి: ఎల్లుండి హుజూర్‌నగర్‌లో కృతజ్ఞత సభ: కేసీఆర్