చేప పిల్లలను విడుదల చేసిన ఎమ్మెల్యే ఆరూరి రమేశ్​

వరంగల్ అర్బన్ జిల్లా హసన్​పర్తి మండలంలోని పెద్ద చెరువులో ఉచిత చేప పిల్లల పంపిణీ కార్యక్రమం ఏర్పాటు చేశారు. ఎమ్మెల్యే ఆరూరి రమేశ్​ ముఖ్య అతిథిగా హాజరై.. 4.75 లక్షల చేప పిల్లలను విడుదల చేశారు.

సంక్షేమ పథకాలతో పాటు కుల వృత్తులు అభివృద్ధి చెందేలా ముఖ్యమంత్రి కేసీఆర్ అనేక కార్యక్రమాలు చేపడుతున్నారని వర్ధన్నపేట ఎమ్మెల్యే ఆరూరి రమేశ్​ పేర్కొన్నారు. వరంగల్ అర్బన్ జిల్లా హసన్​పర్తి మండలంలోని పెద్ద చెరువులో 4 లక్షల 75 వేల చేప పిల్లలను ఉచిత చేప పిల్లలను విడుదల చేశారు.

చేప పిల్లలను విడుదల చేసిన ఎమ్మెల్యే ఆరూరి రమేశ్​

ముదిరాజ్ కులస్థులు ఆర్థికంగా అభివృద్ధి చెందాలనే ఉద్దేశంతో సీఎం కేసీఆర్ రాష్ట్రంలోని అన్ని చెరువుల్లో ఉచితంగా చేప పిల్లలను పంపిణీ చేస్తున్నారని తెలిపారు. వర్ధన్నపేట నియోజకవర్గంలోని చెరువుల్లో ఇప్పటి వరకు 2 కోట్ల 60 లక్షల చేప పిల్లలను విడుదల చేసినట్లు వివరించారు. కార్యక్రమంలో స్థానిక ప్రజాప్రతినిధులు, కార్యకర్తలు తదితరులు పాల్గొన్నారు.

ఇదీచూడండి.. 'నవ భారతం కోసమే వ్యవసాయ సంస్కరణలు'