వరంగల్ గ్రామీణ జిల్లా వ్యాప్తంగా 2 కోట్ల 20 లక్షల మొక్కలను నాటేందుకు ప్రణాళికలు సిద్ధం చేస్తున్నామని జిల్లా కలెక్టర్ హరిత పేర్కొన్నారు. తెలంగాణ హరితహారంపై హన్మకొండలో అధికారులతో సమీక్ష నిర్వహించారు. ఈ సమావేశానికి నర్సంపేట, పరకాల ఎమ్మెల్యేలు హాజరయ్యారు. ఈ ఏడాది ఎక్కువ మొక్కలను నాటి వరంగల్ గ్రామీణ జిల్లాను పచ్చగా మారుస్తామని కలెక్టర్ వెల్లడించారు. ఈ కార్యక్రమంలో ప్రతి ఒక్కరు భాగస్వాములు కావాలని పిలుపునిచ్చారు. మొక్కలను నాటడమే కాకుండా వాటిని రక్షించుకోవాల్సిన బాధ్యత ప్రతి ఒక్కరిపై ఉందని గుర్తు చేశారు. హరితహారంపై గ్రామాల్లో అవగాహన కల్పించాలని సూచించారు.
హరిత వరంగల్గా మారుద్దాం: కలెక్టర్