సూర్యాపేట జిల్లా మునగాల మండలం మాధవరం గ్రామం వద్ద జాతీయ రహదారిపై ఉదయం రెండు కార్లు ఢీకొని... మంటలు చెలరేగి దగ్ధమయ్యాయి. హైదరాబాద్ నుంచి విజయవాడ వైపు వెళ్తున్న కారు అదుపుతప్పి మునగాల నుంచి హైదరాబాద్ వైపు వెళ్తున్న కారును డివైడర్ దాటి ఢీ కొట్టింది. దీంతో ఒక్కసారిగా మంటలు వ్యాపించి రెండు కార్లు పూర్తిగా దగ్ధమయ్యాయి. అప్రమత్తమైన ప్రయాణికులు స్వల్ప గాయాలతో బయటపడ్డారు. క్షతగాత్రులను కోదాడ ప్రభుత్వాసుపత్రికి తరలించారు.
రెండు కార్లు ఢీ... జాతీయ రహదారిపై దగ్ధం