వోల్వో బస్సు బోల్తా.. తృటిలో తప్పిన పెను ప్రమాదం..

సూర్యాపేట జిల్లా మునగాల మండలంలో రోడ్డు ప్రమాదం చోటుచేసుకుంది. 45 మంది ప్రయాణికులతో కూడిన వోల్వో బస్సు డివైడర్​ను ఢీకొని బోల్తా పడింది.

సూర్యాపేట జిల్లా మునగాల మండలం తాడువాయి గ్రామ శివారులో రోడ్డు ప్రమాదం జరిగింది. డివైడర్​ను​ ఢీ కొట్టి వోల్వో బస్సు బోల్తా పడింది. ఈ ఘటనలో ఐదుగురికి స్వల్ప గాయాలయ్యాయి.

బస్సులో 45 మంది ఉన్నామని.. తామంతా ద్రాక్షారామం నుంచి హైదరాబాద్​కు వెళ్తుండగా ఈ ప్రమాదం చోటుచేసుకుందని ప్రయాణికులు తెలిపారు.

స్థానికుల సమాచారం మేరకు పోలీసులు ప్రమాద స్థలానికి చేరుకుని హైవేపై నెలకొన్న ట్రాఫిక్​ అడ్డంకిని తొలగించారు. గాయపడ్డ వారిని కోదాడ ప్రభుత్వాసుపత్రికి తరలించారు.