'భారీ వర్షంతో చెరువుల్లో జలకళ'

సిద్దిపేట జిల్లాలో శుక్రవారం రాత్రి కురిసిన భారీ వర్షానికి పలు మండలాల్లోని చెరువులు జలకళ సంతరించుకున్నాయి.

సిద్దిపేట జిల్లా హుస్నాబాద్ నియోజకవర్గంలో శుక్రవారం రాత్రి కురిసిన భారీ వర్షానికి పలు మండలాల్లోని చెరువులు జలకళ సంతరించుకున్నాయి. కుంటలు, వాగులు పొంగిపొర్లుతున్నాయి. హుస్నాబాద్ మండలంలో 76.4 మి.మీ వర్షపాతం నమోదైంది. మండలంలోని పందిళ్ళ, పొట్లపల్లి, మీర్జాపూర్ ఊరి చెరువులు నీటితో కళకళలాడుతున్నాయి. వర్షంతో పలు గ్రామాల్లో వరి, మొక్కజొన్న, పత్తి పంటలు నేలకొరిగాయి. మరోవైపు ఈ భారీ వర్షంతో రెండో పంటకూ నీళ్లందుతాయని రైతులు హర్షం వ్యక్తం చేస్తున్నారు.

ఇదీ చూడండి : అధిక ఛార్జీలకు చెక్​... నేటి నుంచి అద్దె బస్సులోనూ టికెట్లు!