మద్యం, కల్లు విక్రయిస్తున్న ముగ్గురి అరెస్ట్

సంగారెడ్డి జిల్లా పటాన్​చెరు మండలంలో అక్రమంగా మద్యం అమ్ముతున్న ఓ వ్యక్తిని అధికారులు అరెస్టు చేశారు. ఆటోలో కల్లు తరలిస్తున్న ఇద్దరు, మద్యం అమ్మే ఒకరిని అబ్కారీ శాఖ అధికారులు అదుపులోకి తీసుకుని కేసులు నమోదు చేశారు.

లాక్​డౌన్​ వేళ అక్రమంగా మద్యం అమ్ముతున్న పలువురు వ్యక్తులను అబ్కారీ అధికారులు అదుపులోకి తీసుకున్నారు. సంగారెడ్డి జిల్లా పటాన్​చెరు మండలం వెంకటేశ్వర కాలనీకి చెందిన సంతోశ్​ కుమార్ తన ఇంటిముందే కారులో మద్యం సీసాలు పెట్టి విక్రయిస్తున్నాడు. సమాచారం తెలుసుకున్న అబ్కారీ అధికారులు తనిఖీలు నిర్వహించగా... కారులో 14 మద్యం సీసాలు పట్టుబడ్డాయి. మద్యాన్ని స్వాధీనం చేసుకున్నారు. నిందితున్ని అదుపులోకి తీసుకుని కారు జప్తు చేశారు.

బండ్లగూడకు చెందిన మల్లేశం, కుమార్ అనే ఇద్దరు వ్యక్తులు ఆటోలో భారీగా కల్లు తరలిస్తూ... ఇంద్రేశం కూడలిలో ఆబ్కారీ అధికారులకు పట్టుబడ్డారు. నిందితులను అదుపులోకి తీసుకొని కల్లు స్వాధీనం చేసుకున్నారు. ఆటోను జప్తు చేశారు. లాక్​డౌన్ సమయంలో మద్యం విక్రయం, కల్లు తరలింపునకు పాల్పడిన ముగ్గురిపై కేసు నమోదు చేసినట్లు ఆబ్కారీ అధికారులు తెలిపారు.

అక్రమంగా మద్యం అమ్మకాలు... నిందితుల అరెస్టు

ఇదీ చూడండి:-లాక్​డౌన్​ నుంచి వీటికి మినహాయింపు