చిరుత దాడిలో రెండు గేదె దూడలు మృతి

రంగారెడ్డి జిల్లా ఆమనగల్​ పట్టణ సమీపంలోని ఓ రైతుకు చెందిన పశువుల పాకపై తెల్లవారుజామున చిరుత పులి దాడి చేసింది. ఆమనగల్​ వాసి కృష్ణయ్యకు చెందిన రెండు గేదె దూడలను చంపేసింది.

రంగారెడ్డి జిల్లా ఆమనగల్ పట్టణ శివారులోని పశువుల పాకపై తెల్లవారుజామున చిరుత దాడి చేసి కృష్ణయ్యకు చెందిన రెండు గేదె దూడలను చంపేసింది. ఈ ప్రాంతంలో చాలా రోజులుగా పశువుల పాకల వద్ద ఉన్న లేగ దూడలను, గేదె దూడలను చిరుత దాడి చేసి చంపేసిన సంఘటనలు పలు మార్లు చోటుచేసుకున్నాయని స్థానికులు తెలిపారు.

అటవీశాఖ అధికారులు చర్యలు తీసుకోవాలని, చిరుతను బంధించి తరలించాలని పలువురు రైతులు, పశువుల కాపరులు కోరుతున్నారు.

ఇవీ చూడండి: రుతుపవనాలు ఈసారి 4 రోజులు ఆలస్యం