అందుకే ప్రజాప్రతినిధులపై చులకనభావం: కేటీఆర్​

శంషాబాద్​లో తెరాస కార్యనిర్వాహక అధ్యక్షుడు కేటీఆర్​ సమక్షంలో సబిత తనయుడు కార్తీక్​రెడ్డి గులాబీ తీర్థం పుచ్చుకున్నారు. చేవెళ్ల నియోజకవర్గం నుంచి కార్తీక్​రెడ్డి పోటీ చేయనున్నట్లు సమాచారం.

శంషాబాద్​లో కేటీఆర్​ నేతృత్వంలో జరిగిన బహిరంగ సభలో మాజీ మంత్రి సబితా ఇంద్రారెడ్డి తనయుడు కార్తీక్​ రెడ్డి గులాబీ కండువా కప్పుకున్నారు. ఆయనతో పాటు చేవెళ్ల నుంచి సబిత మద్దతుదారులు తెరాసలో చేరారు. కాంగ్రెస్ నాయకుల తీరు వల్ల ప్రజాప్రతినిధులంటే ప్రజల్లో చులకనభావం ఏర్పడుతుందని తెరాస కార్యనిర్వాహక అధ్యక్షుడు కేటీఆర్ వ్యాఖ్యానించారు.

మేము ఆ మాట అన్నామా?

నాయకులు పార్టీలు మారడం పట్ల కాంగ్రెస్ చేసిన వ్యాఖ్యలను తప్పుపట్టిన కేటీఆర్ ... రాహుల్ గాంధీ కొండా విశ్వేశ్వర్ రెడ్డిని ఎంతకు కొన్నారని ప్రశ్నించామా అంటూ పేర్కొన్నారు.సారు, కారు, పదహారు, దిల్లీలో సర్కారు దిశగా ముందుకెళ్దామని కార్యకర్తలకు సూచించారు. రాష్ట్రంలో 16 మంది తెరాస లోక్‌సభ సభ్యులను గెలిపిస్తే ఎర్రకోటపై జాతీయ జెండా ఎవరు ఎగరేయాలో తెలంగాణ ప్రజలే నిర్ణయించవచ్చని కేటీఆర్​ వెల్లడించారు.

ఇవీ చూడండి:మేమూ హిందువులమే: కేసీఆర్​