స్వగ్రామానికి ఆపన్నహస్తం అందిస్తోన్న ఎంపీ సంతోశ్​కుమార్​

రాజన్న సిరిసిల్ల జిల్లా బోయినపల్లి మండలంలోని కొదురుపాకలో వలస కార్మికులకు ఎంపీ సంతోశ్​కుమార్​ ఆధ్వర్యంలో అన్నదాన కార్యక్రమం ఏర్పాటు చేశారు. తన​ స్వగ్రామమైన కొదురుపాకలో నిత్యావసరాలు, భోజనం అందిస్తూ... ఎంపీ దాతృత్వాన్ని చాటుకుంటున్నారని ఎమ్మెల్యే సుంకె రవిశంకర్​ కొనియాడారు.

రాజ్యసభ సభ్యుడు జోగినపల్లి సంతోశ్​ కుమార్ తన స్వగ్రామం రాజన్న సిరిసిల్ల జిల్లా బోయినపల్లి మండలం కొదురుపాకలో ఏర్పాటు చేసిన అన్నదాన కార్యక్రమానికి సుంకె రవిశంకర్​ హాజరయ్యారు. వంద మంది వలస కూలీలకు భోజనం అందించారు. అనంతరం నిరుపేదలకు నిత్యావసర సరుకులు పంపిణీ చేశారు.

30 రోజులుగా వలస కూలీలకు ఎంపీ సంతోశ్​ కుమార్ నిత్యం అన్నదానం చేస్తున్నారని ఎమ్మెల్యే తెలిపారు. వలస కూలీల పట్ల ఎంపీ దాతృత్వం మిగతా వారికి స్ఫూర్తి దాయకమన్నారు. సంతోశ్​​కుమార్​ విసిరిన గ్రీన్ ఛాలెంజ్​కు విస్తృత ఆదరణ లభించిందని రవిశంకర్​ కొనియాడారు.

ఇవీ చూడండి:విశాఖ ఘటనపై సీఎం కేసీఆర్​ దిగ్భ్రాంతి