'ద్విచక్ర వాహనదారులు తప్పక శిరస్త్రాణం ధరించాలి'

పెద్దపల్లి జిల్లా కేంద్రంలో ట్రాఫిక్​ పోలీసులు ద్విచక్ర వాహనదారులకు శిరస్త్రాణం విశిష్టతపై అవగాహన కార్యక్రమం నిర్వహించారు.

రహదారి ప్రమాదాలు జరిగిన సమయంలో ద్విచక్ర వాహనదారులు ప్రాణాలు కాపాడుకోవాలంటే తప్పకుండా శిరస్త్రాణం ధరించాలని పెద్దపల్లి ట్రాఫిక్ ఏసీపీ రామ్​రెడ్డి పేర్కొన్నారు. జియో వారి సౌజన్యంతో పెద్దపెల్లి జిల్లా కేంద్రంలో శిరస్త్రాణం విశిష్టతపై ద్విచక్ర వాహనదారులకు అవగాహన కార్యక్రమం నిర్వహించారు.

ఈ సందర్భంగా ఏసీపీ రామ్​రెడ్డి శిరస్త్రాణం ధరించి ద్విచక్ర వాహనం నడిపి వాహనదారులకు అవగాహన కల్పించారు. పలువురు ద్విచక్ర వాహనదారులకు ఉచితంగా శిరస్త్రాణాలను పంపిణీ చేశారు. ద్విచక్ర వాహనదారులు తప్పకుండా శిరస్త్రాణాలు ధరించాలని ఆయన సూచించారు.

ఇవీ చూడండి:అశ్వత్ధామరెడ్డికి నోటీసులు.. అందుకేనట!