పోలీసులపై దాడి.. తుపాకీతో ఖైదీ పరార్​

రిమాండ్​లో ఉన్న ఖైదీ పోలీసులపై దాడి చేసి తుపాకీతో తప్పించుకున్న ఘటన నిజామాబాద్ జిల్లాలో ఆలస్యంగా వెలుగు చూసింది.

నిజామాబాద్ నగరంలోని గౌతమ్​నగర్​కు చెందిన ప్రసాద్​ను ఇటీవల దొంగతనం కేసులో మాక్లూర్ పోలీసులు అరెస్ట్​ చేశారు. నిందితునికి కోర్టు రిమాండ్ విధించడం వల్ల సారంగాపూర్ జైలులో ఉంచారు. కాగా అతను నిన్న అనారోగ్యానికి గురవడం వల్ల నిజామాబాద్ ప్రభుత్వ ఆస్పత్రికి తీసుకొచ్చారు.

అయితే అతను రాత్రి 10.30 గంటల సమయంలో ఎస్కార్ట్ సిబ్బందిపై దాడి చేసి హాండ్​కప్స్ ఉండగానే తుపాకీతో పారిపోయాడు. సిబ్బంది సమాచారం మేరకు ఒకటో పట్టణ పోలీసులు వచ్చి విచారణ చేపట్టారు. పారిపోయిన ఖైదీ కోసం గాలింపు చేపట్టారు.

ఇదీ చూడండి:ఇది ఆయుధాలు వాడని యుద్ధం: రవిశంకర్