చిన్న తప్పులతో జీవితాన్ని పాడుచేసుకోవద్దు: ఇంద్రకరణ్​ రెడ్డి

విదేశాల నుంచి వచ్చిన వారు వైద్య పరీక్షలకు సహకరించాలని దేవాదాయ శాఖ మంత్రి ఇంద్రకరణ్​ రెడ్డి కోరారు. నిర్మల్​ జిల్లాలో ఇప్పటివరకు ఏ ఒక్కరికి కరోనా రాలేదని స్పష్టం చేశారు. అనుమానంగా ఉన్నవారిని హైదరాబాద్​ గాంధీ ఆస్పత్రికి తరలించి వైద్య పరీక్షలు నిర్వహిస్తున్నారని తెలిపారు. ప్రతి ఒక్కరూ స్వీయ నిర్బంధలో ఉండి.. సామాజిక దూరాన్ని పాటించాలని విజ్ఞప్తి చేశారు. చిన్న చిన్న తప్పులతో జీవితాన్ని పాడుచేసుకోవద్దని మంత్రి సూచించారు.

విదేశాల నుంచి వచ్చిన వారు ఆరోగ్య పరీక్షలకు సహకరించాలని రాష్ట్ర దేవాదాయ, గృహ అటవీ శాఖ మంత్రి అల్లోల ఇంద్రకరణ్ రెడ్డి కోరారు. నిర్మల్​లోని ఎన్టీఆర్ మినీ స్టేడియంలో ఏర్పాటు చేసిన కూరగాయల మార్కెట్​ను ఆయన సందర్శించారు. వసతులు, అక్కడి పరిస్థితులను అధికారులను అడిగి తెలుసుకున్నారు.

కరోనాతో ప్రపంచమంతా అల్లాడి పోతుందని.. అలాంటి వ్యాధి మన దగ్గర విస్తరించకుండా ఉండాలంటే ప్రభుత్వానికి ప్రజలంతా సహకరించాలని మంత్రి విజ్ఞప్తి చేశారు. నిర్మల్ జిల్లాలో ఇప్పటివరకు ఏ ఒక్కరికి ఈ వ్యాధి ఉన్నట్లు నిర్ధరణ కాలేదన్నారు. ఇలాగే కొనసాగిస్తే అందరికీ శ్రేయస్కరమని పేర్కొన్నారు.

అనుమానంగా ఉన్నవారిని హైదరాబాద్ గాంధీ ఆస్పత్రికి తరలించి వైద్య పరీక్షలు నిర్వహిస్తున్నారని మంత్రి తెలిపారు. ఇప్పటికే పోలీసులు ఎక్కడికక్కడా చెక్​పోస్టులు పెట్టి వాహన తనిఖీలు చేపట్టడం జరుగుతుందన్నారు. ప్రతి ఒక్కరూ స్వీయ నిర్బంధంలో ఉండి కొవిడ్​-19ను తరిమికొడదామని మంత్రి ఇంద్రకరణ్​ రెడ్డి కోరారు. చిన్న చిన్న తప్పులతో జీవితాన్ని పాడుచేసుకోవద్దని సూచించారు.

ఇదీ చూడండి:నిబంధన అతిక్రమిస్తే చలానా ఇంటికొస్తుంది: డీజీపీ