డెంగ్యూ దినోత్సవం సందర్భంగా అవగాహన ర్యాలీ

జాతీయ డెంగ్యూ దినోత్సవం పురస్కరించుకుని నారాయణపేటలో ఆరోగ్య సిబ్బంది అవగాహన ర్యాలీ నిర్వహించారు. దోమలు లేని సమాజాన్ని నిర్మించుకోవాలని సూచించారు.

జాతీయ డెంగ్యూ దినోత్సవం సందర్భంగా నారాయణపేట జిల్లా కేంద్రంలో ఆరోగ్య శాఖ ఆధ్వర్యంలో ర్యాలీ నిర్వహించారు. స్థానిక జిల్లా ఆసుపత్రి వద్ద కలెక్టర్ వెంకట్రావు జెండా ఊపి ఈ కార్యక్రమాన్ని ప్రారంభించారు. డెంగ్యూ రాకుండా ఎలాంటి జాగ్రత్తలు తీసుకోవాలో ప్రజలకు వివరించారు. చుట్టూ ఉన్న పరిసరాలకు పరిశుభ్రంగా ఉంచుకోవాలని ఆరోగ్య శాఖ సిబ్బంది సూచించారు. దోమలు లేని సమాజాన్ని నిర్మించుకోవాలని నినదించారు.