Uttam Latest Comments: మునుగోడులో కాంగ్రెస్ పార్టీ గెలవబోతుందని నల్గొండ ఎంపీ ఉత్తమ్కుమార్రెడ్డి స్పష్టం చేశారు. ఎవరేం మాట్లాడినా మునుగోడు ఓటర్లు పట్టించుకోరని తెలిపారు. కాంగ్రెస్ పార్టీలో జరుగుతున్న పరిణామాలపై తానేమి మాట్లాడనని పేర్కొన్నారు. ఎనిమిదిన్నరేళ్లలో చేయలేని అభివృద్ధి భాజపా, తెరాసలు మునుగోడును ఇప్పుడెలా చేస్తాయని కాంగ్రెస్ నేత, ఎంపీ ఉత్తమ్కుమార్రెడ్డి ప్రశ్నించారు.
ఎంపీ కోమటిరెడ్డి వెంకట్రెడ్డి వ్యవహారం గురించి పార్టీ ఇంచార్జీ ఏఐసీసీ నేతలు మాట్లాడుతారని తెలిపారు. డొర్నకల్‌ మిర్యాలగూడ మధ్యలో కొత్త రైల్వే లైన్ మంజూరయిందని వెల్లడించారు. హుజుర్‌నగర్‌, కోదాడ మీదుగా వెళ్లే ఈ లైన్ 93కిలోమీటర్లు ఉంటుందని ఇందుకోసం 1294కోట్లు ఖర్చు అవుతుందని ఉత్తమ్కుమార్రెడ్డి వివరించారు. మెరుగైన రవాణా సౌకర్యం ఉంటే ఆ ప్రాంతం అభివృద్ది చెందుతుందన్నారు.