ఓటమి భయంతోనే జానారెడ్డి అలా మాట్లాడారు: బాల్క సుమన్

జనగర్జన సభలో కాంగ్రెస్‌ పార్టీ అభ్యర్థి జానారెడ్డి చేసిన వ్యాఖ్యలను ప్రభుత్వ విప్ బాల్క సుమన్ ఖండించారు. కాంగ్రెస్ అధికారంలో ఉన్నప్పుడు రాష్ట్రానికి చేసిన అభివృద్ధి ఏమిటో చెప్పాలని డిమాండ్ చేశారు.

ఓటమి భయంతోనే కాంగ్రెస్ సీనియర్ నేత జానారెడ్డి అనవసరమైన వ్యాఖ్యలు చేస్తున్నారని ప్రభుత్వ విప్​ బాల్కసుమన్ పేర్కొన్నారు. శనివారం జరిగిన జనగర్జన సభలో జానారెడ్డి, కాంగ్రెస్ నాయకులు చేసిన వ్యాఖ్యలను ఆయన ఖండించారు. కేంద్రంలో కాంగ్రెస్ అధికారంలో ఉన్నప్పుడు నెల్లికల్ లిఫ్ట్ విషయంలో ఏమి చేశారని మండిపడ్డారు. పంచాయతీరాజ్​ మంత్రిగా ఉన్నప్పుడు రాష్ట్రంలో రోడ్లు ఎందుకు వేయలేదంటూ ప్రశ్నించారు.

ప్రజలను కలిసి సీఎం కేసీఆర్ ప్రవేశపెట్టిన సంక్షేమ పథకాలు వివిరిస్తూ ఓట్లు అడగడం నేరమా అంటూ ఆగ్రహం వ్యక్తం చేశారు. పైగా నోటికి వచ్చినట్లు తిట్టి... ఆ తిట్లు మాకు దీవెనలు అనడమేంటి అంటూ మండిపడ్డారు.

ఇదీ చూడండి:'జానారెడ్డి గెలుపు.. రాష్ట్ర రాజకీయాల్లో మలుపు'