సంక్షోభంలోనూ రైతులు, పేదల సంక్షేమం మరువం: కేటీఆర్​

నల్గొండ జిల్లా చిట్యాలలో మంత్రి కేటీఆర్ పర్యటించారు. కనకదుర్గ కూడలిలో మంత్రి మొక్కలు నాటారు. చిట్యాలలో పలు అభివృద్ధి పనుల్లో పాల్గొన్నారు.

ఎంతటి సంక్షోభ పరిస్థితుల్లోనూ... రైతులు, పేదల సంక్షేమం మరువమని మంత్రి కేటీఆర్​ పేర్కొన్నారు. నల్గొండ జిల్లా చిట్యాలలో పర్యటించిన కేటీఆర్​... వివిధ అభివృద్ధి కార్యక్రమాలకు శంకుస్థాపన చేశారు. నిర్మాణం పూర్తి చేసుకున్న విద్యుత్తు ఉపకేంద్రాన్ని ప్రారంభించారు.

అంతకుముందు శాసనమండలి ఛైర్మన్​ గుత్తా సుఖేందర్​రెడ్డి, మంత్రి జగదీశ్​రెడ్డితో కలిసి.. స్థానిక కనకదుర్గ కూడలిలో మొక్కలు నాటారు. ఉదయ సముద్రం, ధర్మారెడ్డి, పిల్లాయిపల్లి కాలువలను పూర్తి చేస్తామని కేటీఆర్​ వెల్లడించారు. అనంతరం సూర్యాపేట జిల్లాలోని హుజూర్​నగర్​కు మంత్రి బయలుదేరారు.