నిద్రపోతున్న వృద్ధుడిని చంపేసిన పంది

నాగర్‌కర్నూల్ జిల్లా బిజినపల్లి మండలం నంది వడ్డేమాన్‌లో ఓ పంది స్వైర విహారం చేసింది. ఓ వృద్దుడి ఇంట్లోకి ప్రవేశించి నేలపై పడుకున్న అతన్ని తీవ్రంగా గాయపరిచి చంపేసింది.

నాగర్ కర్నూలు జిల్లా నంది వడ్డేమాన్ గ్రామంలో ఓ పంది వృద్ధుడిని పొట్టనపెట్టుకుంది. నడవడానికి కూడా చేతకాని కొండయ్య నిద్రిస్తుండగా తెల్లవారుజామున ఓ పంది ఇంట్లోకి ప్రవేశించింది. నేలపై పడుకున్న అతనిపై దాడి చేసింది. తల, చేతిని పీక్కుతింది. కొండయ్య అరుపులు విన్న చుట్టుపక్కల వాళ్లు వచ్చి పందిని తరిమికొట్టారు. అప్పటికే వృద్ధుడు కొండయ్య తీవ్రరక్తస్రావంతో చనిపోయాడు. కొండయ్య మృతితో గ్రామంలో విషాద ఛాయలు అలుముకున్నాయి.

ఈ ఘటనతో పందులంటేనే గ్రామస్థులు భయంతో వణికిపోతున్నారు. పందులను పెంచుతున్న వారికి గతంలోనే గ్రామ పంచాయతీ నుంచి నోటీసులు కూడా ఇచ్చారని చెబుతున్నారు.

ఇదీ చూడండి : తహసీల్దార్ కార్యాలయంలో గుండెపోటుతో రైతు మృతి