మేడారంలో ఆ జెండా చూస్తూ నడవాల్సిందే..

మేడారం సమ్మక్క సారాలమ్మ మహా జాతరకు భక్తులు పోటెత్తున్నారు. రద్దీతో కొన్నిసార్లు పలువురు తప్పిపోతుండటం జరుగుతుంది. తమ కుటుంబ సభ్యులు తప్పిపోకుండా ఉండేందుకు రకరకాల జెండా గుర్తులను పెట్టుకుని నడుస్తున్నారు.

తెలంగాణ కుంభమేళా మేడారం సమ్మక్క సారాలమ్మ మహా జాతరకు కోటి మందికి పైగా భక్తులు వస్తుంటారు. జనజాతరకు అనేక కుటుంబాలు కలిసి మేడారం చేరుకుంటారు. కానీ ఆ జనసముద్రంలో కలసి ఎక్కడికైనా వెళ్లాల్సి వస్తే మాత్రం అందరూ కలిసి వెళ్లడం మాత్రం అసాధ్యంగా మారుతోంది. ఒకవేళ వారితో నడువలేక ఎక్కడైనా ఆగినా, ఏదైనా అవసరం పడి మళ్లీ వాళ్లని ఆ జనంలో వెతకాలంటే తిప్పలే. అందుకే మేడారంలో ఎటు చూసినా జెండలే దర్శనమిస్తున్నాయి.

కుటుంబ సమేతంగా వచ్చిన భక్తులు వారిలో ఎవరూ దారి తప్పకుండా ఉండేందుకు ఓ గుర్తును పెట్టుకుంటారు. కుటుంబంలో ఒక్కరు ఓ గుర్తును కర్రకు చుట్టి ముందు నడుస్తుంటే దానిని చూసుకుంటూ అందరూ వెనుక వెళ్తారు. దానితో సులభంగా అందరూ కలసి జాతరలో తిరుగుతూ సందడి చేస్తున్నారు.

ఇదీ చూడండి :దేవతల ఆగమనం... అట్టహాసంగా మహాజాతర ప్రారంభం