ప్రధాని మోదీ, తెలంగాణ సీఎం కేసీఆర్ పిలుపునిచ్చిన జనతా కర్ఫ్యూకు ఉమ్మడి మెదక్ జిల్లా ప్రజలంతా సంఘీభావం ప్రకటించారు. ఇళ్లలోనే స్వీయ నిర్బంధంలో ఉండిపోయారు. కొవిడ్-19 వ్యాప్తి నివారణ కోసం అహర్నిశలు కృషిచేస్తున్న వారందరి సేవలను కొనియాడుతూ... మెదక్, సంగారెడ్డి, సిద్దిపేట జిల్లాల ప్రజలు కరతాళ ధ్వనులతో మద్దతు పలికారు.
ప్రపంచ దేశాలను గడగడలాడిస్తున్న కరోనా మహమ్మారిని ఎదుర్కొనేందుకు... ప్రాణాలుపణంగా పెట్టి పనిచేస్తున్న వైద్య, పోలీస్, ఫైర్ సిబ్బందికి రాష్ట్ర ఆర్థికమంత్రి హరీశ్రావు... హైదరాబాద్లోని తన నివాసంలో కుటుంబ సమేతంగా చప్పట్లు కొట్టి ధన్యవాదాలు తెలిపారు.