మున్నేరు వాగుకు పోటెత్తిన వరదనీరు

ఖమ్మం జిల్లాలో గత 24 గంటలుగా ఎడతెరిపి లేకుండా కురుస్తున్న వానలకు వాగులు, చెరువులు నిండిపోతున్నాయి. ఖమ్మం సమీపంలోని మున్నేరు వాగులోకి వరద ప్రవాహం పెరిగింది.

రుతుపవనాల ప్రభావంతో ఖమ్మం జిల్లాలో వానలు కురుస్తున్నాయి. ఈ వర్షాలకు వాగులు, చెరువులు నిండి వరద నీరు పొంగి పొర్లుతూ మున్నేరు వాగులోకి చేరుతోంది. దానవాయిగూడెం చెక్​డ్యాం పైనుంచి ప్రవహిస్తున్న వరదనీరు మున్నేరు వైపు ప్రవహిస్తోంది.

ఉమ్మడి వరంగల్​లో కురిసిన వర్షాలకు వాగులు పొంగి.. మున్నేర వాగులోకి భారీగా వరదనీరు వచ్చి చేరింది. చెరువులు నిండి.. మున్నేరు జలకళ సంతరించుకోవడంపై రైతులు సంతోషం వ్యక్తం చేస్తున్నారు.

ఇదీ చూడండి:విదేశీ యాప్​లకు ప్రత్యామ్నాయంగా 'ఎలిమెంట్స్'