ఈశ్వర సేవలో భట్టి

మహాశివరాత్రిని పురస్కరించుకుని ఖమ్మం జిల్లాలోని శైవాలయాలన్నీ భక్తులతో పోటెత్తాయి. వైరా మండలం లక్ష్మీపురంలోని శివాలయాన్ని సీఎల్​పీ నేత భట్టివిక్రమార్క సందర్శించారు. పరమేశ్వరునికి ప్రత్యేక పూజలు చేసి మొక్కులు సమర్పించుకున్నారు.

ఖమ్మం జిల్లా వైరా మండలం లక్ష్మీపురంలోని శివాలయం భక్తులతో కిటకిటలాడుతోంది. మహాశివరాత్రి సందర్భంగా నాలుగు రోజుల పాటు ఇక్కడ జాతర నిర్వహిస్తారు. తొలిరోజు శివరాత్రి పూజలో శైవ భక్తులు పెద్ద సంఖ్యలో పాల్గొన్నారు. ఆలయానికి ఇరువైపులా కిలోమీటర్​ మేర క్యూలో నిలబడి స్వామి దర్శనానికి వేచి ఉన్నారు. సీఎల్​పీ నేత భట్టి ఆలయాన్ని సందర్శించి మహాదేవుడికి ప్రత్యేక పూజలు చేశారు. రాష్ట్ర ప్రజలు సుఖ సంతోషాలతో, ఆరోగ్యంగా ఉండాలని పరమేశ్వరున్ని కోరుకున్నానని తెలిపారు.

ఇవీ చూడండి:సర్వం శివమయం