ఎమ్మెల్యే దాతృత్వం.. ప్రమాద బాధితుడిని ఆస్పత్రికి తరలింపు ​

ఎమ్మెల్యే సుంకె రవిశంకర్​ తన దాతృత్వాన్ని చాటుకున్నారు. రోడ్డుప్రమాదంలో గాయపడ్డ ఓ బాధితుడికి ప్రథమ చికిత్స అందించి.. ఆసుపత్రికి తరలించారు. మెరుగైన వైద్యం అందించాలని డాక్టర్లకు సూచించారు.

కరీంనగర్ జిల్లా గంగాధర మండలం కురిక్యాల వద్ద రోడ్డు ప్రమాదంలో గాయపడ్డ వారిని ఆ వైపుగా వెళ్తున్న చొప్పదండి ఎమ్మెల్యే సుంకె రవిశంకర్ ఆదుకున్నారు. కారు, బైక్ ఢీకొన్న ప్రమాదంలో తీవ్రంగా గాయపడిన యువకుడికి ప్రాథమిక చికిత్స జరిపించారు. అనంతరం అంబులెన్స్​లో ఆసుపత్రికి తరలించారు. మెరుగైన వైద్యం అందించాలని వైద్యులకు సూచించారు.

ఈ సందర్భంగా క్షతగాత్రుని పట్ల మానవత్వాన్ని ప్రదర్శించిన ఎమ్మెల్యే సుంకె రవిశంకర్​ను స్థానికులు అభినందించారు.