ప్రతి విద్యార్థి సమాజానికి, దేశానికి బాసటగా నిలవాలని మంత్రి ఈటల రాజేందర్, ఎంపీ బండి సంజయ్ తెలిపారు. కరీంనగర్ జిల్లా కేంద్రంలో ఓ ప్రైవేటు విద్యా సంస్థ ఏర్పాటుచేసిన విద్యార్థుల స్వాగతోత్సవ కార్యక్రమానికి ముఖ్య అతిథిలుగా హాజరయ్యారు. విద్యార్థులందరూ కష్టపడి చదివి తల్లిదండ్రులకు మంచి పేరు తీసుకురావాలని సూచించారు. విద్యార్థులకు ఎల్లవేళలా అండగా ఉంటామని మంత్రి ఈటల తెలిపారు. దేశ భవిష్యత్తు విద్యార్థుల చేతుల్లో ఉందని.. విద్యావేత్తలుగా ఎదిగి దేశానికి సేవచేయాలని ఎంపీ సంజయ్ సూచించారు. పలువురు విద్యార్థులకు నగదు ప్రోత్సాహకాలను అందించారు. ఈ సందర్భంగా ఏర్పాటుచేసిన విద్యార్థుల నృత్యాలు ఆకట్టుకున్నాయి. ఈ కార్యక్రమంలో జడ్పీ ఛైర్పర్సన్ విజయ పాల్గొన్నారు.
తల్లిదండ్రుల పేరు నిలబెట్టాలి : మంత్రి ఈటల