కరీంనగర్​లో మంత్రి గంగుల ఇంటి ముట్టడికి యత్నం

ఆర్టీసీ కార్మికుల సమ్మెకు మద్దతుగా వామపక్షాల కార్యకర్తలు బీసీ సంక్షేమ శాఖ మంత్రి గంగుల కమలాకర్​ ఇంటి ముట్టడికి యత్నించారు. పోలీసులు అడ్డుకుని అదుపులోకి తీసుకున్నారు.

కరీంనగర్​లో మంత్రి గంగుల కమలాకర్​ ఇంటి ముట్టడికి వామపక్షాల కార్యకర్తలు ప్రయత్నించారు. సమాచారం అందుకున్న పోలీసులు అడ్డుకుని వారిని అదుపులోకి తీసుకుని పోలీస్​ ట్రైనింగ్​ సెంటర్​కు తరలించారు. కార్మికుల సమస్యలు పరిష్కరించకుండా.. వారిని రెచ్చగొట్టే వ్యాఖ్యలు చేస్తున్నారని మంత్రిపై వామపక్షాలు మండిపడ్డాయి. కార్మికుల సమస్యలు వెంటనే పరిష్కరించాలని డిమాండ్ చేశారు. పోలీసుల తీరుకు నిరసనగా ట్రైనింగ్​ సెంటర్​లో నిరసన వ్యక్తం చేస్తున్నారు.

• ఇదీ చూడండి : భద్రాద్రి రామయ్యను దర్శించుకున్న మంత్రి నిరంజన్ రెడ్డి