పోలీస్​స్టేషన్​లో లక్ష్మీనరసింహ స్వామి బ్రహ్మోత్సవాలు

ఎక్కడైనా... దేవుళ్ల బ్రహ్మోత్సవాలు ప్రసిద్ధ పుణ్యక్షేత్రాల్లో జరుగుతాయి. కానీ ధర్మపురిలో మాత్రం ఎక్కడలేని విధంగా స్థానిక పోలీస్​స్టేషన్​లో స్వామివారు వైభవంగా పూజలందుకున్నారు. పోలీసులే దగ్గరుండి ప్రత్యేక పూజలు నిర్వహించారు.

జగిత్యాల జిల్లాలోని ప్రసిద్ధ ధర్మపురి లక్ష్మీ నరసింహ స్వామి బ్రహ్మోత్సవాలు వైభవంగా సాగుతున్నాయి. ఉత్సవాల్లో భాగంగా యోగా లక్ష్మీనరసింహ స్వామి, వెంకటేశ్వర స్వామికి దక్షిణ దిగ్యాత్ర కార్యక్రమాలను స్థానిక పోలీస్​స్టేషన్​లో ఘనంగా నిర్వహించారు. స్వామివార్లను దేవస్థానం నుంచి పల్లకీలో ఠాణా​కు మేళతాళాల మధ్య ఊరేగింపుగా తీసుకెళ్లారు.

అనాదిగా వస్తోన్న ఆచారం...

జిల్లా ఎస్పీ సింధుశర్మ, పోలీస్ కుటుంబాలు స్వామివార్లకు ఠాణాలో ప్రత్యేక పూజలు నిర్వహించారు. అనాదిగా వస్తున్న ఆచారాన్ని పోలీసులతోపాటు స్థానికులూ భక్తి శ్రద్ధలతో పాటిస్తారని దేవస్థాన అర్చకులు చెప్పారు.

ఇవీ చూడండి:కాషాయ కండువా కప్పుకుంటున్న పాలమూరు హస్తం నేతలు