"రేవంత్​ రెడ్డిపై సుమోటోగా కేసు నమోదు చేయాలి"

ట్రాన్స్​కో సీఎండీ ప్రభాకర్ రావుపై అనుచిత వ్యాఖ్యలు చేసిన ఎంపీ రేవంత్ రెడ్డిపై పోలీసులు సుమోటోగా కేసు నమోదు చేయాలని శాసనమండలిలో ప్రభుత్వ విప్ బొడకుంటి వెంకటేశ్వర్లు డిమాండ్ చేశారు.

కాంగ్రెస్​ పార్లమెంట్ సభ్యులు రేవంత్ రెడ్డి రాజకీయాలకు అనర్హుడని శాసనమండలిలో ప్రభుత్వ విప్ బొడకుంటి వెంకటేశ్వర్లు ఆరోపించారు. ట్రాన్స్​కో సీఎండీ ప్రభాకర్ రావుపై అనుచిత వ్యాఖ్యలు చేసినందుకు ఆయనను అరెస్ట్ చేయాలని డిమాండ్​ చేశారు. కాంగ్రెస్‌లో అంతర్గత పోరు ఎక్కువైందని... పీసీసీ పదవిని దక్కించుకోవడానికే ఆయన ఇలాంటి చిల్లర మాటలు మాట్లాడుతున్నారని విమర్శించారు. ప్రభాకర్‌ రావు తెరాస ప్రభుత్వంలోనే కాకుండా కాంగ్రెస్ హయాంలో కూడా విద్యుత్ శాఖలో పని చేశారని గుర్తుచేశారు.

ఇవీ చూడండి:ప్రభుత్వ అసమర్థతతో దివాళా దిశగా విద్యుత్ శాఖ: రేవంత్