దుండిగల్​లోని పీఎస్​లోని రెండు విల్లాల్లో చోరీ

మేడ్చల్ జిల్లా దుండిగల్ పీఎస్ పరిధిలోని పీవీఆర్ హైరైజ్డ్​ మిడోస్ గేటెడ్ కమ్యూనిటీలోని రెండు విల్లాల్లో దొంగలు భీభత్సం సృష్టించారు. ఒక విల్లాలో మూడు తులాల బంగారం.. కేజిన్నర వెండి అపహరణకు గురైందని రెండో విల్లాలో ఏమి పోయాయో.. ఇంకా తెలియాల్సి ఉందని పోలీసుల తెలిపారు.

మేడ్చల్​ జిల్లా దుండిగల్​ పోలీసు స్టేషన్​ పరిధి మల్లంపేటలోని హైరైజ్డ్​ మిడోస్​ గేటెడ్​ కమ్యూనిటీలోని రెండు విల్లాల్లో నిన్నరాత్రి దొంగతనం జరిగింది. శ్రీనివాస్​కు చెందిన విల్లా నెం 165/B ఇంట్లో 3 తులాల బంగారం, కేజిన్నర వెండి, పదమూడువేల నగదును దొంగలు ఎత్తుకెళ్లారు.

తాళాలు పగులగొట్టి ఉండడం గమనించిన స్థానికులు పోలీసులకు ఫిర్యాదు చేశారు. ఘటనా స్థలికి చేరుకున్న పోలీసులు కేసు నమోదు చేసుకుని క్లూస్​ టీం సాయంతో దర్యాప్తు చేపట్టారు.

విశ్వనాథ్​ శర్మ విల్లా నెం 143 ఇంటి యజమాని లండన్ వెళ్లడం వల్ల ఏమేమి పోయాయో తెలియాల్సి ఉందని పోలీసులు తెలిపారు. తెలిసిన వ్యక్తులే ఈ చోరీకి పాల్పడి ఉంటారని కాలనీ వారు అనుమానిస్తున్నారు.

ఇవీ చూడండి: పురపోరుకు సై అంటున్న రియల్టర్లు