ప్రధాని మోదీతో గవర్నర్​ తమిళిసై భేటీ...

ప్రధాని మోదీ, హోంమంత్రి అమిత్​షాతో రాష్ట్ర గవర్నర్​ తమిళిసై సౌందరరాజన్​ భేటీ అయ్యారు. దిల్లీ పర్యటనలో భాగంగా సమావేశమైన తమిళిసై... రాష్ట్రంలోని తాజా పరిస్థితులను ప్రధానికి వివరించారు. పలు అంశాలపై నివేదిక అందించగా... గవర్నర్​ను ప్రధాని అభినందించారు.

గవర్నర్​ తమిళిసై సౌందరరాజన్​ దిల్లీ పర్యటనలో భాగంగా... ప్రధాని మోదీతో సమావేశమయ్యారు. గవర్నర్​గా బాధ్యతలు చేపట్టిన తర్వాత తొలిసారి ప్రధానితో భేటీ అయిన సౌందరరాజన్... రాజ్​భవన్​లో చేపట్టిన వినూత్న అంశాలపై ప్రధానికి వివరించారు. ప్లాస్టిక్ నిషేధం, యోగా తరగతులు, రక్తదాన శిబిరం వంటి కార్యక్రమాలపై నివేదిక అందించగా... గవర్నర్​ను ప్రధాని మోదీ అభినందించారు. అనంతరం తమిళిసై కేంద్రం హోంమంత్రి అమిత్​షాను కలిశారు. గవర్నర్​గా పాల్గొన్న సామాజిక కార్యక్రమాలు, బతుకమ్మ సంబురాలపై ప్రతులను అందించారు.

ఇవీ చూడండి: సమ్మెపై ప్రభుత్వ, యూనియన్ల తీరుపై హైకోర్టు అసంతృప్తి