హుజూరాబాద్ ఉప ఎన్నిక సందర్భంగా వీవీ ప్యాట్లు తారుమారయ్యాయనే వార్తలొచ్చాయి. దీంతో పాటు భాజపా నేతలు రాష్ట్ర ఎన్నికల ప్రధాన అధికారి(సీఈవో) శశాంక్ గోయల్కు ఫిర్యాదు చేశారు. ఈ నేపథ్యంలో దీనిపై వివరణ ఇవ్వాలని కరీంనగర్‌ కలెక్టర్‌, హుజూరాబాద్ ఆర్వోకు సీఈవో ఆదేశాలు జారీ చేశారు. రేపటిలోగా నివేదిక ఇవ్వాలని స్పష్టం చేశారు.
వీవీప్యాట్ల ఘటనపై వివరణ ఇవ్వాలని సీఈవో ఆదేశం
వీవీప్యాట్ల తారుమారుపై వివరణ ఇవ్వాలని సీఈవో ఆదేశం
13:47 October 31
రేపటిలోగా నివేదిక ఇవ్వాలని సీఈవో ఆదేశం
ఓట్ల లెక్కింపు ఏర్పాట్లపై సీఈవో.. ఎన్నికల అధికారులతో నిర్వహించిన సమీక్ష సందర్భంగా ఈ మేరకు ఆదేశించారు. మరోవైపు అన్ని రాజకీయ పార్టీల నేతలతో శశాంక్ గోయల్ రేపు సమావేశం కానున్నారు. ఓటరు జాబితా ప్రత్యేక సవరణ 2022 ప్రక్రియపై సమావేశంలో చర్చించనున్నారు.
కాగా.. ఎన్నికల్లో తెరాస అధికార దుర్వినియోగానికి పాల్పడిందంటూ భాజపా నేతలు.. సీఈవో శశాంక్ గోయల్కు ఉదయం ఫిర్యాదు చేశారు. ఈవీఎంలు, వీవీ ప్యాట్లు తరలించాలనే ఆలోచన చేశారని డీకే అరుణ, రాజా సింగ్, రామ చందర్ రావు ఫిర్యాదులో పేర్కొన్నారు.
ఇదీ చదవండి:DK Aruna: 'ఓటమి భయంతోనే ఈవీఎంలు, వీవీప్యాట్లు మారుద్దామనే ఆలోచన'
Last Updated : Oct 31, 2021, 2:51 PM IST