రవీంద్రభారతిలో ఘనంగా బుద్ధ జయంతి వేడుకలు

హైదరాబాద్​లోని రవీంద్రభారతిలో బుద్ధ జయంతి వేడుకలు ఘనంగా జరిగాయి. ఈ కార్యక్రమంలో ఐఏఎస్​ అధికారి దివాకర్​బాబు, తదితరులు పాల్గొన్నారు. బుద్ధుని జీవిత చరిత్రను తెలియజేస్తూ ఏర్పాటు చేసిన చిత్రప్రదర్శన వీక్షకులను ఆకట్టుకుంది.

గౌతమబుద్ధుడు చూపిన మార్గం నేటి తరానికి ఆదర్శమని... కంప్యూటర్‌ యుగంలోనూ ఆయన బోధనలు ఆచరిస్తే శాంతి లభిస్తుందని ఐఏఎస్‌ అధికారి దివాకర్‌బాబు అన్నారు. తెలంగాణ పర్యటక శాఖ ఆధ్వర్యంలో రవీంద్రభారతిలో బుద్ధ జయంతి వేడుకలను ఘనంగా నిర్వహించారు. ఈ సందర్భంగా ప్రముఖ నృత్యకళకారిణి యశోదఠాకూర్‌ బృందం గుప్తా వాసవ దత్త సంగీత నృత్యరూపకాన్ని ప్రదర్శించారు. పలువురు కళాకారులు వివిధ అంశాలను చక్కని నృత్యాభినయం ప్రదర్శించి మెప్పించారు. బుద్ధ జయంతిని పురస్కరించుకొని రవీంద్రభారతి ప్రాంగణంలో బుద్ధుని జీవిత చరిత్రను తెలియజేస్తూ.. ఏర్పాటు చేసిన చిత్ర ప్రదర్శన వీక్షకులను ఆకట్టుకుంది.