రాత్రికి రాత్రే సచివాలయం కూల్చే చర్యలు చేపట్టాల్సిన అవసరం ఏంటని పీసీసీ కార్యనిర్వాహక అధ్యక్షుడు పొన్నం ప్రభాకర్ ప్రశ్నించారు. ఈ అంశాన్ని ప్రజలు గమనించాలని సూచించారు.
''సీఎం కేసీఆర్‌కు నూతన సచివాలయం కట్టుకోవాలన్న ఆలోచన... తపన ఉంటే దానికో సమయం సందర్భం ఉంటుంది. ప్రపంచమంతా కరోనా బారినపడి ఇబ్బందికర పరిస్థితుల్లో ఉంటే ఇలాంటి పనులు చేయడం తగునా..? ఉద్యోగస్తులకు పూర్తి జీతాలు చెల్లించేందుకు పైసలు లేవు కానీ... సచివాలయం నిర్మించేందుకు ఉన్నాయా? ఈ సంక్షోభ సమయంలో కొత్త సచివాలయ నిర్మాణం అవసరమా?''