'మైక్రాన్ టెక్ ద్వారా మరింత ఉపాధి కల్పించాలి'

అమెరికాకు చెందిన ప్రముఖ టెక్నాలజికల్ కంపెనీ మైక్రాన్ టెక్ హైదరాబాద్​లో మరింత విస్తరించనుంది. ఆ మేరకు తమ ప్రణాళికలను రాష్ట్ర ఐటీ మంత్రి కేటీఆర్​తో పంచుకుంది.

భారత్​లో తమ వ్యాపార కార్యకలాపాలకు హైదరాబాద్ హెడ్ క్వార్టర్​గా కొనసాగుతుందని.. మైక్రాన్ టెక్ సంస్థ సీఈవో సంజయ్ మెహరోత్రా స్పష్టం చేశారు. కంపెనీ.. రెండేళ్ల జర్నీని పూర్తి చేసుకున్న సందర్భంగా రాష్ట్ర ఐటీ మంత్రి కేటీఆర్​తో కలిసి దృశ్యమాధ్యమ సమీక్షలో పాల్గొన్నారు.

హైదరాబాద్​లో త్వరలో 'సెంటర్ ఆఫ్ ఎక్సలెన్స్' పేరిట ఓ కేంద్రాన్ని ఏర్పాటు చేయనున్నట్లు సంజయ్ మెహరోత్రా తెలిపారు. 93శాతం ఉద్యోగాలు స్థానికులకేనని స్పష్టం చేశారు. రెండేళ్లలో కంపెనీ సాధించిన విజయాలను.. మంత్రితో పంచుకున్నారు

కటింగ్ ఎడ్జ్ సాంకేతికత ద్వారా సెమీ కండక్టర్లు, మెమోరీ కార్డులు తయారు చేసే మైక్రాన్ టెక్ హైదరాబాద్​లో మరింత విస్తరించాలని.. కేటీఆర్ ఆకాంక్షించారు. కంపెనీ ఏర్పాటు ద్వారా మరింత మందికి ఉపాధి కల్పించాలని సీఈఓను కోరారు.

ఇదీ చదవండి:ఏపీలో మూడో విడత పంచాయతీ ఎన్నికలు.. పూర్తి సమాచారం