ప్రజలు ఇలాంటి తెలంగాణను కోరుకోలేదు: కొండా

దిల్లీ నుంచి శంషాబాద్​ విమానాశ్రయానికి చేరుకున్న కొండా విశ్వేశ్వర్​రెడ్డికి కార్యకర్తలు ఘనంగా స్వాగతం పలికారు. బెయిల్​ మంజురు కావడం పట్ల సంతోషంగా ఉందని పేర్కొన్నారు. ఇలాంటి తెలంగాణను ప్రజలు కోరుకోలేదని వెల్లడించారు.

దిల్లీ నుంచి శంషాబాద్ విమానాశ్రయానికి చేరుకున్న చేవెళ్ల ఎంపీ కొండా విశ్వేశ్వర్​రెడ్డికి హస్తం​ పార్టీ కార్యకర్తలు, అభిమానులు ఘనంగా స్వాగతం పలికారు. న్యాయవ్యవస్థపై తనకు నమ్మకం ఉందని తెలిపారు. బెయిల్​ మంజూరు అయినందుకు సంతోషంగా ఉందని పేర్కొన్నారు. పోలీసులకు ఫిర్యాదు చేస్తే స్వీకరించకుండా... ఎదుటి వారి ఫిర్యాదు తీసుకుని తన కార్యాలయంలో దాడులు చేసి కేసులు పెట్టడం విచిత్రంగా ఉందని ఆవేదన చెందారు. ఒక సిట్టింగ్​ ఎంపీ ఫిర్యాదుని స్వీకరించకుండా అమర్యాదగా ప్రవర్తిస్తున్న పోలీసులు సామాన్యులకు ఏం న్యాయం చేస్తారని మండిపడ్డారు. ప్రజలు ఇలాంటి తెలంగాణ కోరుకోలేదని తెలిపారు.

ఇదీ చూడండి:శ్రమజీవులకు రాజకీయ నేతల శుభాకాంక్షలు