'కలెక్టర్లకు పూర్తి అధికారాలు ఇవ్వలేదు నియంత్రణ మాత్రమే '

రెండో రోజు అసెంబ్లీలో కొత్త పురపాలక ముసాయిదా బిల్లుపై చర్చించారు. విపక్ష సభ్యులు లేవనెత్తిన ప్రశ్నలకు సీఎం కేసీఆర్​ సమాధానం చెప్పారు. అనవసర ఆరోపణలు చేస్తున్న కాంగ్రెస్​ తమ వైఖరి మార్చుకోవాలని సూచించారు.

కలెక్టర్ల చేతిలో నియంత్రణ మాత్రమే పెట్టాం... వారికి పూర్తి అధికారాలు ఇవ్వలేదని ముఖ్యమంత్రి కేసీఆర్​ అసెంబ్లీలో స్పష్టం చేశారు . తెలంగాణ పురపాలక చట్టంపై అభిప్రాయాలు తెలిపిన సభ్యులకు ధన్యవాదాలు తెలిపారు. సభ్యులు సలహాలు, సూచనలను పరిగణలోకి తీసుకుంటామని పేర్కొన్నారు. విపక్ష సభ్యలు లేవనెత్తిన ప్రశ్నలకు సమాధానం ఇస్తున్న సందర్భంలో సీఎం... కాంగ్రెస్​ తీరుపై మండిపడ్డారు. ప్రభుత్వానికి వ్యతిరేకంగా మాట్లాడటమే కాంగ్రెస్ లక్ష్యమని వ్యాఖ్యానించారు. కలెక్టర్‌ వ్యవస్థను కించపరిచేలా సూచనలు చేయడం సరికాదన్నారు. జనాభా దామాషా ప్రకారమే రిజర్వేషన్లు అమలు చేస్తామని మరోసారి స్పష్టం చేశారు.

ఇవీ చూడండి:'అధికారాలన్ని కలెక్టర్లకు అప్పగించడం సరికాదు'