కారుకు బ్యానర్లు కట్టి.. కరోనాపై అవగాహన

కొవిడ్​-19 బారిన పడకుండా ఉండేందుకు ప్రభుత్వాలు, అధికారులు, వైద్యులు, సామాజిక కార్యకర్తలు ప్రజలకు అవగాహన కల్పిస్తున్నారు. ఈ క్రమంలో బోయిన్​పల్లికి చెందిన ఓ స్వచ్ఛంద సంస్థ ఛైర్మన్​ కరోనాపై వినూత్నంగా అవగాహన కల్పిస్తున్నాడు. కరోనా రాకుండా తీసుకోవాల్సిన జాగ్రత్తల గురించి బ్యానర్​పై రాసి మైక్​ ద్వారా ప్రచారం చేస్తున్నాడు.

కరోనా వైరస్ పట్ల ప్రజల్లో అవగాహన పెంచేందుకు బోయిన్​పల్లికి చెందిన వి.ఎన్.ఆర్​.ఛారిటబుల్​ ట్రస్ట్​ ఛైర్మన్ వల్లం నవీన్​ వినూత్న కార్యక్రమానికి శ్రీకారం చుట్టారు. కరోనాకు తీసుకోవాల్సిన జాగ్రత్తలను తన వాహనానికి​ బ్లానర్లుగా కట్టి.. మైక్​ ద్వారా ప్రచారం నిర్వహిస్తున్నాడు.

ఓల్డ్ బోయిన్​పల్లి, న్యూ బోయిన్​పల్లి, తిరుమలగిరి, అల్వాల్ తదితర ప్రాంతాల్లోని కాలనీల్లో తిరుగుతూ ప్రజలకు అవగాహన కల్పిస్తున్నాడు. మాస్కులు లేనివారికి ఉచితంగా మాస్కులను పంపిణీ చేస్తూ.. మానవత్వాన్ని చాటుకుంటున్నాడు.

నగరంలో కరోనా మహమ్మారి విజృంభిస్తుండడంతో ప్రజల్లో మరింత అవగాహన కల్పించేందుకే తాను ఈ కార్యక్రమానికి శ్రీకారం చుట్టినట్లు నవీన్​ పేర్కొన్నారు. జంట నగరాల్లోని అనేక ప్రాంతాల్లో తిరుగుతూ.. ప్రజలు వైరస్​ బారిన పడకుండా ఉండేందుకు తన వంతు కృషి చేస్తున్నట్లు తెలిపారు. ప్రజలు పౌష్టికాహారాన్ని తీసుకొని రోగనిరోధక శక్తిని పెంపొందించుకోవాలని సూచించారు.