పాము కాటుతో ప్రాణాపాయ స్థితికి చేరిన బాలుడికి ఏపీలోని రాజమహేంద్రవరం ప్రభుత్వాసుపత్రి వైద్యులు ప్రాణం పోశారు. కోరుకొండ గ్రామానికి చెందిన బొక్కా సిద్ధు పదో తరగతి చదువుతున్నాడు. 4న ఇంటి వద్ద పాము కాటుకు గురై అపస్మారక స్థితికి చేరుకోవడం వల్ల రాజమహేంద్రవరం ప్రభుత్వాసుపత్రికి తరలించారు.
ఆగిన గుండెకు ఆయువిచ్చారు!
పాముకాటుకు గురై ఆ పసిగుండె ఆగిపోయింది. అందరూ ఆశలు వదిలేసుకున్నారు. అయితే పొయిన ప్రాణాన్ని తిరిగి నిలబెట్టారు ఆంధ్రప్రదేశ్లోని తూర్పు గోదావరి జిల్లా రాజమహేంద్రవరం ప్రభుత్వాసుపత్రి వైద్యులు. హృదయ స్పందన నిలిచిపోయినా.. వెంటిలేటర్పై ఉంచి ప్రాణాలు కాపాడారు.
ఆగిన గుండెకు ఆయువిచ్చారు!
వెంటిలేటర్పై చికిత్స అందించగా శనివారం స్పృహలోకి వచ్చాడు. ఆసుపత్రికి తీసుకొచ్చిన సమయానికి.. విష ప్రభావంతో కొంతసేపు హృదయ స్పందన నిలిచిపోయిందని, సకాలంలో వైద్యం అందించడంతో బతికినట్లు వైద్యులు తెలిపారు. ఇలాంటి కేసులు లక్షలో ఒకటి ఉంటాయని ప్రభుత్వాసుపత్రి వైద్యుడు డా.చంద్రశేఖర్‌ తెలిపారు.