'రాష్ట్రంలో తెరాస, భాజపావి తెరచాటు రాజకీయాలు'

భాజపా, తెరాస పార్టీలపై ఏఐసీసీ కార్యదర్శి సంపత్‌కుమార్ తీవ్రస్థాయిలో విమర్శలు గుప్పించారు. తెలంగాణలో ఆ రెండు పార్టీలు నపుంసక రాజకీయాలు చేస్తున్నాయని ఆరోపించారు.

కేసీఆర్ తన అవినీతిని కప్పిపుచ్చుకునేందుకు భాజపాకు కేంద్రంలో బేషరతు మద్దతు ఇస్తున్నారని ఏఐసీసీ కార్యదర్శి సంపత్​కుమార్​ ఆరోపించారు. భాజపా కబంధ హస్తాల్లో తెరాస ఎంపీలు బందీ అయ్యారన్నారు. రాష్ట్రంలో ప్రజాస్వామ్యం ఖూనీ అవుతోందని భాజపా రాష్ట్ర అధ్యక్షుడు లక్ష్మణ్‌కు ఇప్పుడు గుర్తొచ్చిందా అని ఎద్దేవా చేశారు. కేసీఆర్​పై ఉన్న సీబీఐ, నయీం కేసు, కాళేశ్వరం అవినీతి, ఇంటర్ అవకతవకలపై కేంద్ర సర్కారు ఎందకు స్పందించడం లేదో లక్ష్మణ్ చెప్పాలని డిమాండ్ చేశారు. ఇప్పటికైనా కాంగ్రెస్​ నేతలపై విమర్శలు చేయడం మానుకోవాలని సూచించారు.

ఇదీ చూడండి: యాదాద్రి ఆలయ నిర్మాణ పనులు పరిశీలించిన సీఎం