యువకుల వాగ్వాదం... కత్తితో దాడి

ఇద్దరు యువకుల మధ్య మాటామాట పెరిగింది. అందులో ఒకరు ఆవేశంతో మరొకరిపై దాడికి దిగారు. సైఫాబాద్ పోలీస్​స్టేషన్ పరిధిలో ఈ ఘటన చోటుచేసుకుంది.

హైదరాబాద్​ సైఫాబాద్​లోని చిన్న గొడవ కత్తితో పొడుచుకునే వరకూ వెళ్లింది. తూర్పు గోదావరి జిల్లాకు చెందిన పవన్ కళ్యాణ్ లక్డీకపూల్​లోని శ్రీ విగ్నేశ్వర హోటల్​లో పని చేస్తున్నాడు. మూడురోజుల క్రితం వాసు అదే హోటల్​లో పనికి చేరాడు. వారికోసం గణేశ్​ సమీపంలోని మున్సిపల్ మైదానం పక్కన ఓ రూమ్​ ఇచ్చారు.

ఈక్రమంలో ఇద్దరి మధ్య చిన్న గొడవ జరిగింది. అది పెరిగి పెద్దదైంది. పవన్​కల్యాణ్​పై వాసు కత్తితో దాడి చేసి పరారయ్యాడు. పోలీసులు కేసు దర్యాప్తు చేస్తున్నారు. బాధితుడిని గ్లోబల్ ఆస్పత్రిలో చేర్పించారు.

ఇదీ చూడండి:మహిళా అభిమానులూ నా భార్యతో జాగ్రత్త