ఈ నెలాఖరులోగా పురపాలిక ఎన్నికలకు రంగం సిద్ధం

నెలాఖరులోగా పురపాలిక ఎన్నికల నిర్వహణకు రంగం సిద్ధమవుతోంది. ఈ నెల 2న పాలకమండళ్ల పదవీకాలం పూర్తయినందున... ప్రత్యేకాధికారుల పాలన కొనసాగుతోంది. ప్రక్రియ వేగవంతం చేస్తూ ఓటరు జాబితా ప్రచురణకు షెడ్యూలు ప్రకటించింది ఎన్నికల సంఘం.

ఆగస్టు 2న పురపాలికల్లో కొత్త పాలకవర్గాలు కొలువుదీరేలా... నెలాఖరులోగా ఎన్నికలు పూర్తి చేసేందుకు ప్రభుత్వం రంగం సిద్ధం చేస్తోంది. ఈ నెల 2న పదవీకాలం ముగిసిన చోట ఇప్పటికే ప్రత్యేకాధికారుల పాలన కొనసాగుతోంది. ఈ ప్రత్యేక విధానానికి నెల రోజుల ముందే నూతన పాలకమండళ్లు అందుబాటులోకి వచ్చేలా... వార్డుల వారీగా ఓటర్ల జాబితా ప్రచురణకు రాష్ట్ర ఎన్నికల సంఘం కొత్త షెడ్యూలు విడుదల చేసింది. ఈ నెలాఖరులో 3 కార్పొరేషన్లు, 129 పురపాలికలకు ఎన్నికలు నిర్వహించనున్నారు.

ఓటరు జాబితా షెడ్యూలు
ఓటరు ముసాయిదా జాబితా: జులై 10
జిల్లా కేంద్రాల్లో రాజకీయ పార్టీలతో సమావేశం: 11
ముసాయిదాపై అభ్యంతరాల స్వీకరణ: జులై 12 వరకు
వార్డుల వారీ ఓటర్ల తుది జాబితా ప్రకటన: జులై 14
ఓటర్ల తుది జాబితా ప్రచురణ: జులై 18

ఇదీ చూడండి: తెలంగాణలో సభ్యత్వ నమోదు ప్రారంభించిన అమిత్​ షా