ఆదిలాబాద్​ గ్రామీణంలో తెరాస విస్తృత ప్రచారం

ఎన్నికలకు 12 రోజుల సమయం మాత్రమే ఉన్నందున రాజకీయ పార్టీల అభ్యర్థులు ప్రచారం ముమ్మరం చేశారు. ఆదిలాబాద్​ గ్రామీణంలో మాజీ మంత్రి జోగు రామన్న తెల్లవారు జాము నుంచే పర్యటించారు. గోడం నగేష్​ను మెజార్టీతో గెలిపించాలని కోరారు.

లోక్‌సభ ఎన్నికలకు సమయం సమీపిస్తున్నందున తెరాస శ్రేణులు ప్రచారం ముమ్మరం చేశాయి. ఆదిలాబాద్​లో ఉదయం నుంచి మాజీ మంత్రి జోగు రామన్న పల్లెల్లో ప్రచారం నిర్వహించారు. ఇంటింటికీ తిరుగుతూ ఓట్లను అభ్యర్థించారు. సమావేశాలు నిర్వహించి ప్రజలతో మమేకమయ్యారు. జిల్లాలో తెరాస ఎంపీ అభ్యర్థి గోడం నగేష్​ను మరోసారి గెలిపించాలంటూ ప్రజలకు విజ్ఞప్తి చేశారు.

ఇదీ చదవండి :హైదరాబాదులో జోరుగా భాజపా ప్రచారం