'దసరాలోపు రైతు వేదికల నిర్మాణాలను పూర్తిచేయాలి'

ఆదిలాబాద్ జిల్లా భీంపూర్ మండలంలో ఎమ్మెల్యే రాఠోడ్ బాపురావు పర్యటించారు. పలు చోట్ల రైతు వేదికల నిర్మాణాలకు భూమి పూజ చేశారు. కరంజిలో మినీ స్టేడియాన్ని ప్రారంభించిన ఎమ్మెల్యే... స్థానిక యువతతో కలిసి వాలీబాల్ ఆడారు.

ఆదిలాబాద్ జిల్లా భీంపూర్ మండలంలో ఐదు చోట్ల రైతు వేదికల నిర్మాణానికి బోథ్ ఎమ్మెల్యే రాఠోడ్ బాపురావు భూమి పూజ చేశారు. మండలంలోని నిపాని, భీంపూర్, దనోర, అర్లి, కరంజిలో రూ.22 లక్షల అంచనా వ్యయంతో నిర్మించనున్న రైతు వేదిక భవనాలకు శుంకుస్థాపన చేశారు. నిర్మాణాలను దసరాలోగా పూర్తి చేయాలని అధికారులను ఎమ్మెల్యే అదేశించారు. పలు చోట్ల మొక్కలు నాటిన ఎమ్మెల్యే... కరంజిలో మినీ స్టేడియాన్ని ప్రారంభించారు. స్థానిక యువకులతో ఎమ్మెల్యే వాలీబాల్ ఆడి... అందర్నీ ఆకట్టుకున్నారు.