టెన్నిస్ దిగ్గజం రోజర్ ఫెదరర్ మరో ఘనత సాధించాడు. దుబాయ్ టెన్నిస్ ఛాంపియన్షిప్ పురుషుల సింగిల్స్ గెలిచి, కెరీర్లో వందో టైటిల్ను కైవసం చేసుకున్నాడు. టెన్నిస్ చరిత్రలో ఈ రికార్డు సాధించిన రెండో ఆటగాడిగా నిలిచాడు. ఫెదరర్ కంటే ముందు అమెరికా టెన్నిస్ దిగ్గజం జిమ్మి కానర్స్ 109 టైటిళ్లు సాధించారు.
అలవోక విజయం
దుబాయ్ టెన్నిస్ ఛాంపియన్షిప్లో పదకొండో ర్యాంకు గ్రీస్ యువఆటగాడు సిట్సిపాస్పై అలవోకగా విజయం సాధించాడు ఫెదరర్. 6-4,6-4 తేడాతో వరుస సెట్లలో గెలుపొందాడు.
ఈ ఏడాది జరిగిన ఆస్ట్రేలియన్ ఓపెన్ నాలుగో రౌండ్లో సిట్సిపాస్ చేతిలో ఫెదదర్ ఓడాడు. ఇప్పుడు అదే ఆటగాడిపై గెలిచి, కెరీర్లో మరో మైలురాయిని చేరుకున్నాడు ఈ స్విట్జర్లాండ్ టెన్నిస్ దిగ్గజం.
100 టైటిళ్లు
| టైటిళ్ల సంఖ్య | టోర్నీలు |
| 20 | గ్రాండ్స్లామ్లు |
| 6 | ఇయర్ ఎండ్ ఛాంపియన్షిప్లు |
| 27 | వరల్డ్ టూర్ ఏటీపీ మాస్టర్స్ - 1000 |
| 22 | ఏటీపీ వరల్డ్ టూర్- 500 |
| 25 | ఏటీపీ వరల్డ్ టూర్ - 250 |