ఒలింపియాడ్​ నిర్వహణకు బిడ్​ వేయనున్న భారత్​

రానున్న ఒలింపియాడ్​ నిర్వహణ కోసం భారత్​ ఆసక్తి చూపిస్తోంది. అందుకోసం బిడ్ దాఖలు చేయాలని భారత చెస్​ సమాఖ్య నిర్ణయించింది.

వచ్చే ఒలింపియాడ్ నిర్వహించేందుకు భారత్​ పోటీపడనుంది. అందుకోసం బిడ్​ వేయాలని భారత చెస్​ సమాఖ్య నిర్ణయించింది.

"చెస్​కు భారత్​ చిరునామాగా ఉండాలన్నది మా ఆశ. ఈ లక్ష్యం దిశగా సాగేందుకు బృహత్తర ప్రణాళిక సిద్ధం చేశాం. భారత చెస్​ లీగ్ మొదలు పెట్టాలని చాలా కాలంగా ప్రయత్నిస్తున్నాం. ఈ ఏడాదిలోనే ఫ్రాంచైజీ మోడల్​ లీగ్​ను నిర్వహిస్తాం. చెస్​ ఒలింపియాడ్​కు బిడ్​ దాఖలుతో పాటు మహిళల గ్రాండ్​ప్రి చెస్​ను నిర్వహించాలని సంఘం సర్వసభ్య సమావేశంలో నిర్ణయించాం" అని ఇటీవలే సమాఖ్య అధ్యక్షుడిగా ఎన్నికైన సంజయ్​ కపూర్​ చెప్పాడు.

ఇదీ చదవండి:ఫిలిప్​ ఐలాండ్​ ట్రోఫీలో అంకిత శుభారంభం