టెస్టు ఛాంపియన్షిప్ ఫైనల్(WTC Final)లో బంతికి లాలాజలం వాడకుండానే స్వింగ్ రాబట్టొచ్చని అంటున్నాడు టీమ్ఇండియా పేసర్ ఇషాంత్ శర్మ(Ishant Sharma). అయితే మ్యాచ్ జరిగే సమయంలో బంతి పర్యవేక్షణకు ప్రత్యేకంగా ఒకర్ని నియమించాల్సిన అవసరం ఉందని తెలిపాడు.
"బంతికి లాలాజలం(saliva) లేకుండానే స్వింగ్ అవుతుందని నేను భావిస్తున్నా. అయితే బంతి నిర్వహణ బాధ్యతగా ప్రత్యేకంగా ఒకర్ని నియమించాల్సిన అవసరం ఉంది. ఇలాంటి పరిస్థితుల్లో బంతిని పర్యవేక్షిస్తే.. బౌలర్లు వికెట్లు తీయడం సులభంగా మారుతుంది".
- ఇషాంత్ శర్మ, టీమ్ఇండియా పేసర్
"ఇంగ్లాండ్ పిచ్లకు తగ్గట్టుగా ఆటగాళ్లు శిక్షణ పొందాల్సిఉంది. ఇండియాలోని మైదానాల్లో అయితే ఆట ప్రారంభమైన కొంత సమయం తర్వాత బంతి స్వింగ్ అవుతుంది. కానీ, ఇంగ్లాండ్లోని పరిస్థితులు అలా కాదు.. బంతి స్వింగ్ అవ్వాలంటే లెన్త్తో బౌలింగ్ చేయాలి" అని ఇషాంత్ అన్నాడు.
కరోనా వ్యాప్తి కారణంగా క్రికెట్లో బంతికి లాలాజలం(saliva) వాడడాన్ని గతేడాది అంతర్జాతీయ క్రికెట్ మండలి(ICC) నిషేధించింది. అయితే బంతిని స్వింగ్ చేసేందుకు బౌలర్లు చెమటను వాడుతున్నారు.
ఇషాంత్ శర్మ.. టీమ్ఇండియా తరఫున ఇప్పటివరకు 101 టెస్టులకు ప్రాతినిధ్యం వహించాడు. ఈ సుదీర్ఘ ఫార్మాట్లో 303 వికెట్లను పడగొట్టాడు.
ఇదీ చూడండి..WTC Final: కోహ్లీసేనతో తలపడనున్న టీమ్ ఇదే
