Team India Quarantine: ఈ వారంలోనే భారత్‌ జట్టు దక్షిణాఫ్రికా టూర్‌కు వెళ్లనుంది. అక్కడ ఆతిథ్య జట్టుతో 3 టెస్టులు, 3 వన్డేలు ఆడనుంది. అయితే కరోనా నిబంధనల కారణంగా దక్షిణాఫ్రికాకు వెళ్లే ముందు భారత జట్టు క్రీడాకారులు మూడు రోజులపాటు క్వారంటైన్లో ఉండనున్నారు. ఇప్పటికే ముంబయి అంతర్జాతీయ విమానాశ్రయ సమీపంలోని ఓ ఫైవ్‌స్టార్‌ హోటల్‌కు ఆటగాళ్లు చేరుకున్నారు.
బయోబబుల్‌లో భాగంగా బౌలింగ్‌ కోచ్‌ పరాస్‌ మాంబ్రే సారథ్యంలో రోహిత్‌ శర్మ, అజింక్యా రహానె, కేఎల్‌ రాహుల్‌, రిషభ్‌ పంత్‌, శార్దూల్‌ ఠాకూర్‌ ఒక గ్రూప్‌గా ఏర్పడ్డారు. ఈ గ్రూపు మూడు రోజులు క్వారంటైన్ పూర్తి చేసుకుని డిసెంబర్ 16న దక్షిణాఫ్రికాకు బయలుదేరుతుంది. ఈ సీనియర్‌ ఆటగాళ్ల గ్రూప్‌ అక్కడికి చేరుకున్న తర్వాతనే.. భారత జట్టులోని మిగతా ఆటగాళ్లు దక్షిణాఫ్రికాకు బయలుదేరుతారు.