ప్రతిష్ఠాత్మక ప్రపంచ టెస్టు ఛాంపియన్షిప్ ఫైనల్ కోసం ఇంగ్లాండ్లో ఉంది టీమ్ఇండియా. మూడు రోజుల కఠిన క్వారంటైన్ అనంతరం ఇప్పుడిప్పుడే మైదానంలోకి అడుగుపెడుతున్నారు ఆటగాళ్లు. ఇందుకు సంబంధించి కెప్టెన్ విరాట్ కోహ్లీ ఓ ఫొటోను సామాజిక మాధ్యమాల్లో షేర్ చేశాడు. మైదానంలో రన్నింగ్ చేసిన అనంతరం సూర్యరశ్మి పడిన ఫొటోను పెట్టాడు. 'సూర్యుడు చిరునవ్వులను తీసుకొస్తాడు' అనే క్యాప్షన్ దాని కింద రాశాడు.
WTC Final: టీమ్ఇండియా ప్రాక్టీస్.. కోహ్లీ వినూత్న ట్వీట్
ఇంగ్లాండ్ పర్యటనలో ఉన్న టీమ్ఇండియా ఆటగాళ్లు ఇన్ని రోజులు కఠిన క్వారంటైన్లో ఉన్నారు. ఇప్పుడిప్పుడే మైదానంలో ప్రాక్టీస్కు దిగుతున్నారు. నిర్బంధంలో ఉండి ఇబ్బంది పడిన ఆటగాళ్లు ఒక్కసారిగా బయటి ప్రపంచాన్ని చూస్తే ఎలా ఉంటుందన్న విషయాన్ని కోహ్లీ ట్విట్టర్లో షేర్ చేశాడు. 'సూర్యుడు చిరునవ్వులను తీసుకొస్తాడు' అనే క్యాప్షన్ను దాని కింద రాసుకొచ్చాడు.
విరాట్ కోహ్లీ, భారత కెప్టెన్
భారత ఆటగాళ్లు పుజారా, శుభ్మన్ గిల్, కోహ్లీ ఇందులో ఉన్నారు. మే 3న ఇంగ్లాండ్లో అడుగుపెట్టిన క్రికెటర్లు.. ఇప్పుడిప్పుడే తక్కువ మందితో శిక్షణను కొనసాగిస్తున్నారు. క్రమక్రమంగా జట్టు మొత్తం గ్రౌండ్లో ప్రాక్టీస్కు దిగనున్నారు.