Prithvi Shaw Double Century Scorecard : టీమ్ఇండియా యంగ్ ఓపెనర్ పృథ్వీ షా ఎట్టకేలకు ఫామ్లోకి వచ్చేశాడు. తన వరుస వైఫల్యాలకు భారీ విధ్వంసకర ఇన్నింగ్స్‌తో చెక్ పెట్టాడు. పేలవ ఫామ్, ఇతర వివాదాలతో ఫేడ్ ఔట్ అయి.. భారత జట్టులో చోటు కోల్పోయిన అతడు రీఎంట్రీ కోసం తీవ్రంగా శ్రమిస్తున్నాడు. ఇందులో భాగంగానే తాజాగా జరిగిన ఇంగ్లాండ్ కౌంటీ క్రికెట్లో డబుల్ సెంచరీతో సంచలనం సృష్టించాడు. వన్డే కప్లో భాగంగా జరిగిన కౌంటీ క్రికెట్ లిస్ట్ ఏ మ్యాచ్లో 153 బంతుల్లో 28 ఫోర్లు, 11 సిక్సర్లతో 244 పరుగుల రికార్డ్ ఇన్నింగ్స్ నమోదు చేశాడు.
England one day cup 2023 :129 బంతుల్లోనే డబుల్ సెంచరీ ..నార్తాంప్టన్ షైర్ టీమ్‌కు ప్రాతినిథ్యం వహిస్తున్న పృథ్వీ... సోమర్‌సెట్‌తో జరిగిన మ్యాచ్లో 81 బంతుల్లోనే సెంచరీ అందుకున్నాడు. మరో 48 బంతుల్లోనే డబుల్ సెంచరీ పూర్తి చేసుకున్నాడు. అలా129 బంతుల్లోనే 24 ఫోర్లు, 8 సిక్స్‌లతో ద్విశతకాన్ని పూర్తి చేసుకున్నాడు. ప్రత్యర్థి బౌలర్లపై విరుచుకు పడ్డాడు. మొత్తంగా 153 బంతుల్లో 244 పరుగుల మార్క్ను అందుకున్నాడు. అతడి ఇన్నింగ్స్‌లో 39 బౌండరీలు ఉన్నాయి. అతడి భారీ స్కోరు నమోదు కావడం వల్ల.. నార్తాంప్టన్ షైర్ నిర్ణీత 50 ఓవర్లలో 8 వికెట్లు కోల్పోయి 415 పరుగుల భారీ స్కోర్ చేసింది. ఫలితంగా ఇంగ్లాండ్ వన్డే కప్ టోర్నీలోనే ఆ జట్టు అత్యధిక భారీ స్కోర్ నమోదు చేసింది.