Ishanth Sharma out of Ranji Trophy: ఇషాంత్ శర్మ.. రంజీ ట్రోఫీ నుంచి తప్పుకుంటున్నట్లు సమాచారం. మొహాలి వేదికగా వచ్చేనెలలో భారత జట్టు శ్రీలంకతో ఆడే రెండు టెస్టుల సిరీస్‌కు అతడిని ఎంపిక చేయరని తెలిసి ఈ నిర్ణయం తీసుకున్నట్లు తెలుస్తోంది. ఈ విషయాన్ని ఓ సీనియర్ డీడీసీఏ సెలక్టర్ చెప్పారు. ఇప్పటికే ఈ కారణంగా వృద్ధిమాన్ సాహా కూడా బంగాల్‌ రంజీ జట్టు నుంచి తప్పుకొన్నాడు.
"అతడు ఆడాలని అనుకుంటే జట్టులో తీసుకుంటాం. కానీ అతడికి ఏమైందో తెలీదు గత వారం నుంచి మాకు అందుబాటులో లేడు. రంజీ ప్రాక్టీస్ సెషన్స్కు కూడా రాలేదు. అతడి ఆలోచన ఏమిటో తెలియదు. సాహాలా తన కెరీర్ అయిపోయిందని ఇషాంత్ కూడా అనుకొని ఉండొచ్చు. బుమ్రా, మహ్మద్ షమీ, సిరాజ్ ప్రస్తుతం భారత నెం.1,2,3 బౌలర్లు. వారు ఫిట్గా ఉన్నారు. ఆ తర్వాత శార్దూల్ ఠాకూర్, ఉమేశ్ యాదవ్ ఫామ్లో ఉన్నారు."