యూఏఈ వేదికగా జరుగుతున్న ఐపీఎల్ టీ20లో (IPL 2021) ముంబయి ఇండియన్స్ ఆల్రౌండర్ కీరన్ పొలార్డ్ కీలక మైలు రాయిని దాటాడు. మంగళవారం షేక్ జాయెద్ స్టేడియంలో పంజాబ్ కింగ్స్‌తో జరిగిన మ్యాచ్లో కేఎల్ రాహుల్ వికెట్ తీసిన ఈ వెస్టిండీస్ ఆటగాడు.. టీ20 మ్యాచ్ల్లో 300 వికెట్లు (Pollard Ipl Wickets) మార్క్ను చేరుకున్నాడు. అంతేగాకుండా ఈ ఫార్మాట్లో 10,000 పరుగులు చేసి 300 వికెట్లు సాధించిన తొలి ఆటగాడిగా పొలార్డ్ రికార్డులకెక్కాడు.
పొలార్డ్ కంటే ముందు 300 వికెట్లు తీసిన వారు 10 మంది ఉన్నారు.. బ్రావో 546 వికెట్లతో ఎవరికీ అందనంత ఎత్తులో నిలిచాడు. ఇమ్రాన్ తాహిర్(420), సునీల్ నరైన్(418), మలింగ(390) వికెట్లతో వరుసగా తర్వాతి స్థానాల్లో ఉన్నారు.